गांव-गांव में घुइम के महिला खेलाड़ी खोजत हे एगो अमरिकी जे बोस्टन यूनिवर्सिटी कर स्कॉलर हेके आउर ऊ हावर्ड यूनिवर्सिटी से कानूनो कर डिग्री हासिल कइर हे। उके झारखंड से लगाव हय आउर खेइल से हों। एहे बजह से अमरिकी फ्रैंज गैस्लर झारखंड कर गांवमन कर खाक छानत हे।
फ्रैंज गैस्लर कर मानना हय झारखंड में जबरजस्त संभावना हय। एहे ले ऊ हिआँ कर छोंड़ीमन के लेइके महिला फुटबोल खेलाड़ीमन कर एक ठो वल्र्ड क्लास टीम बनायक चाहेला आउर खेलाड़ीमन कर खोजार में बुलेट मोटर साइकिल पहें चइघ के रोज दिना गांव-गांव घुमत हे। गैस्लर बतायँना कि झारखंड में प्रतिभामन कर भरमार हय। मोयँ महिलामन कर फुटबोल टीम बनायक सोइंच हों, जे राइज कर नाँव अंतररास्ट्रीय स्तर पर प्रतियोगितामन में रोसन करोक।
एखन तक ले सात खेलाड़ीमन कर चयन होय जाहे। उके उमेइद हय कि अप्रैल तक पूरा टीम तेयार होय जाई। पहिले खेलाड़ीमन के ट्रेनिंग घरक मैदान में हें देबयँ, तसे बाद में कोनो बेहतरीन अंतररास्ट्रीय सुबिधावाला ठाँव में ट्रेनिंग देल जाई। ई टीम कर पूरा खरचा ‘युवा इंडिया’ नाँवक संस्था उठाइ, जेकर एमडी सीआइआइ, केजीबी जइसन काय संस्था मन से खुदे जुड़ल हय फ्रैंज गैस्लर।

पूर्व अंतररास्ट्रीय महिल खेलाड़ी हेलन सोय के इंडिया अंडर 18 महिला टीम कर कोच बनाल जाहे। भारतीय टीम शंघाई में एशिया कप प्रतियोगिता खेली। ई टीम के 25 से 22 मई तक लखनऊ कर साई सब सेंटर में कोचिंग देवेक हय। झारखंड कर हें बसंती कच्छप, सोनल मिंज आउर अनीता कर हों ई कैंप ले चयन होहे। सोय राँची सीआइटी में काम करयँना।